起來，莫驚惶，佇新的一年，耶穌猶原陪咱同行 (出埃及記 24:12-18, 馬太福音 17:1-9)
Date: February 15 2026 Location: TPC of Greater Chicago Sermon title: 起來，莫驚惶，佇新的一年，耶穌猶原陪咱同行 Scriptures: 出埃及記 24:12-18, 馬太福音 17:1-9 0. 問安 兄弟姊妹，大家平安！大家新年恭喜！ 真歡喜今仔日閣有機會來教會，和大家做伙禮拜，享受上帝子民的團契。 毋知大家今年「二九暝」攏準備啥物好料？我是預計要在準備火鍋！ 我有看見台灣今年有很多很厲害的春聯，我選幾個給大家一起來。 願上帝祝福我們每一位兄姊：以馬內利，平安喜樂過新年。 1. 開始的禱告 咱做伙來禱告： 耶和華我ê石磐，救贖我ê主 ah ； 願我ê嘴所講ê，心所想ê， tī 你ê面前得 tio̍h 接納。阿們。 （詩 19:14 ） 2. 摩西、上帝，以及等待的以色列會眾 今仔日是主顯節期最後一个主日。主顯節期，神學上是教會邀請兄姊：做伙佇經文裡、佇教會生活中、佇家庭與咱自己的生命當中，去尋找上帝恩典、啟示的記號。 今仔日第一段經文出自《出埃及記》。這是以色列百姓猶佇曠野的時刻——雖然知影有「應許之地」，卻猶原佇「路上」，而且無人知影還愛行多久。當他們無食物的時，上帝降嗎哪。 經文的背景是：眾百姓與上帝立約，答應要遵守上帝所託付的一切；十二支派立柱做記號。經文說：「 摩西、亞倫、拿答、亞比戶，閣有以色列長老七十人，攏上去。 」又講：「 到耶和華遮，遠遠仆落去拜。獨獨摩西親近耶和華；其餘呣通親近。 」 其實咱也知，佇許多民族的故事裡，面對至聖者、面對上帝，常常是「 生死交界 」的時刻。先知以賽亞佇聖殿裡看見上帝，也看見使者西拉兵；伊第一句反應是：「 我的災禍啊！我滅無啦！因為我是嘴唇無清氣的人，閣店佇嘴唇無清氣的百姓中；因為我目睭有看見王——萬軍的耶和華。 」咱若用華語來形容，這種感覺就像：「 保持距離，以測安全。 」 今仔日的經文裡，上帝對摩西講：「 我欲將石碑及律法以及命，我所寫的賞賜你，通教示他們。 」所以摩西...