主所愛ê是憐憫，毋是祭祀：聖神帶領教會行出新ê見證 (何西阿書 5:15-6:6，馬太福音9:9-13, 18-26) (June 7, 2026)
Date: June 7, 2026 (Second Sunday after Pentecost)
Location: TPC
of Greater Chicago
Sermon title:
主所愛ê是憐憫，毋是祭祀：聖神帶領教會行出新ê見證
Scriptures: 何西阿書 5:15-6:6，馬太福音9:9-13,
18-26
Scripture of the week: 「總是，我ài憐憫，m̄ ài祭祀，chit句甚麼意義，lín tio̍h去學。因為我來m̄是beh招義人，是beh招pháiⁿ人。」(馬太福音9:13)
0. 前言
各位主內ê兄弟姊妹，大家平安！
今日，咱徛佇一個非常美麗、也充滿挑戰ê十字路口。咱教會拄才歡喜慶祝設教五十七週年。回想五十七年前，咱當中真多長輩勇敢踏出腳步，離開故鄉，來到美國。這本身就是一個極大ê信心行動，也是一段移民ê信仰旅程。這五十七年來，大家佇美國這個所在，忠心持守台灣人ê信仰與傳統，敬拜上帝，互相扶持，也在異鄉中見證主ê恩典。
總是，每一間教會、每一個信仰群體，甚至每一個族群與國家，若欲行入轉型ê旅程，眾人ê心內難免會感覺無確定，也會有不安。這種感覺，有時親像再一次面對「流離失所」；有時親像咱已經熟悉ê所在，忽然變得無仝款；有時也會讓咱心內出現許多複雜ê聲音：咱欲向佗位去？咱欲成做啥物款ê教會？咱所珍惜ê傳統，佇新的時代欲按怎繼續活落去？
毋過，咱現在也正處佇聖神降臨節期。聖神已經降臨佇教會、降臨佇尋求上帝ê人身上，不分男女、老幼。聖神最奇妙ê工作，就是賞賜咱新ê眼光，予咱看見以前未曾看見ê事；也予咱看見，舊ê傳統會當怎樣得著更新，原本ê信仰模式，會當怎樣佇上帝恩典ê引導下，轉化成更合切上帝國度需要ê見證。
今日，馬太福音 9:13 對咱教會發出一個極深ê呼召。耶穌講：「我愛憐憫，毋愛祭祀。」這句話到底是啥物意思？聖神欲帶領咱這間五十七歲ê教會，行出啥物款新ê見證？對咱整個長老教會未來ê宣教方向，又有啥物提醒？
1. 開始的禱告
咱一起來禱告：
耶和華我ê石磐，救贖我ê主 ah；
願我ê嘴所講ê，心所想ê，tī你ê面前得tio̍h接納。阿們。（詩 19:14）
2. 第一頁：經文中ê難題
欲了解耶穌所講「我愛憐憫，毋愛祭祀」ê意思，咱著先回頭看舊約何西阿先知ê處境。
佇何西阿書第五章kap第六章，以色列正處佇極大ê政治、屬靈kap國家存亡ê危機中。當時是主前八世紀，正發生「敘利亞—以法蓮戰爭」(734-732 BCE)；北國以色列與敘利亞形成聯盟，欲逼南國猶大加入反亞述ê陣線。北國以色列甚至用軍事力量威脅猶大，試圖透過入侵來逼亞哈斯王就範。照歷代志下二十八章ê記載，北國以色列ê比加王，在一日之內殺了猶大十二萬人；聖經講，「這些人攏是勇士，卻因為離開耶和華—in列祖ê上帝」就遭受極大災難。
當時，南北兩國共同面對亞述帝國ê威脅。照歷代志ê描述，南國猶大王亞哈斯「無像伊的祖大衛行耶和華所看做好的事」(歷代志下28:1-3)，反而行以色列諸王ê路，鑄造巴力ê像，甚至將自己ê子兒獻佇火中。面對危機，亞哈斯無尋求上帝，反而玩弄政治手段，跑去向亞述王求幫助。
後來，亞述出兵攻打北國以色列。北國失去大片領土，向亞述進貢，最後首都撒瑪利亞佇主前七二一年前後被攻陷，北國以色列滅亡。南國猶大雖然暫時逃過一劫，但是亞哈斯也付出極大代價：打開耶路撒冷ê庫房，向亞述進貢，甚至佇猶大各山頭築壇，燒香互別ê神明。
這豈不是一個古代版「請鬼拿藥單」ê故事？但是，咱若誠實看，也可能會感覺，這種處境與台灣今日ê局勢，有某種令人不安ê相似。當國家面對外在威脅ê時，內部ê分裂、恐懼、權力算計，以及向壓迫者求安全ê衝動，都會造成更深ê危機。
當時上帝的百姓面對外在帝國的威脅，也面對內部的分裂與恐懼。南北兩國本來都敬拜耶和華，卻彼此攻擊；面對危機，有人不尋求上帝，反而向更大的帝國求安全。結果，宗教還在，祭祀還在，但是憐憫、忠誠、公義卻不見了。
今日何西阿ê經文，就是佇北國已經喪失大部分土地，只剩下以法蓮山區kap首都撒瑪利亞ê時期。第六章一開始，以色列人講：「來啊，咱著歸倚耶和華！伊拆裂咱，也欲醫好咱；伊擊傷咱，也欲包紮咱ê傷。」聽起來真敬虔，真有悔改ê樣式。
但是，上帝看著祂ê百姓，卻非常無奈，甚至心痛地講：「以法蓮啊，我欲按怎款待你？猶大啊，我欲按怎款待你？」問題毋是以色列人無宗教活動。in猶原獻祭、守規矩、守安息日。問題是，in將上帝當作一種「萬應公」，以為只要獻上足夠ê牛羊，上帝就必須保佑國家平安。可是，in ê宗教已經變成空殼。原本南北兩國攏應該敬拜耶和華上帝，卻彼此對敵，也將別ê神明攏總拿來拜。換一句話來說，就是「吃耶和華上帝夠夠！」
所以上帝評論北國以色列講：「你們對上帝ê愛，親像早起ê雲霧，親像巴勒斯坦早晨ê露水，太陽一出來，轉眼就無去。」
所以上帝宣告：「因為我愛憐恤，毋愛祭祀；愛人識上帝，贏過燒祭。」這个「憐恤」，佇希伯來文叫做 hesed，意思是一種堅定不移、忠誠ê聖約之愛。佇舊約聖經內底，hesed 出現真多次，意思有時有一點無仝；但咱可以想做是大衛kap約拿單之間深深ê盟約，兩人代表無仝背景與勢力，卻願意用性命保證彼此ê生存。佇何西阿書ê脈絡中，hesed 也親像夫妻之間堅定ê委身，不離不棄關係。
所以，上帝並毋是欲廢除宗教儀式。上帝是呼籲一種改革，欲將脫軌ê宗教帶回正路。當時ê以色列人以為，只要做宗教儀式ê表面工夫就夠；但是在日常生活中，卻充滿欺騙、說謊、暴力kap謀殺，缺乏對人ê愛kap公義。和何西阿同時代ê阿摩司先知，也提出相仝ê批判：若一個人週間欺騙、搶奪、壓迫窮人，安息日卻真虔誠獻祭，這種宗教到底有啥物意義？若信仰只剩下形式，卻無真正認識上帝，這就是已經走岔路ê宗教。
這種情況到底有外嚴重？何西阿書五章十五節講，連上帝都欲「離家出走」，回去祂自己ê所在，等待百姓承認罪，佇急難中切切尋找祂。
幾百年後，佇馬太福音第九章，耶穌也遇著相仝ê難題。
耶穌佇祂ê家鄉迦百農，呼召一個抽餉的，名叫馬太。當時ê稅吏，是被猶太社群看輕、排斥ê人。因為 in 替羅馬帝國向自己人收重稅，有些人可能閣從中抽取利益，成為剝削自己人、幫帝國欺負同胞ê罪人。當耶穌kap馬太以及其他「罪人」同桌食飯，法利賽人看見，心內非常不快。
「法利賽」這个名，原本ê意思就是「分別出來ê人」。in是立志遵守摩西律法來生活、有宗教熱心ê人。為了保持宗教上ê純潔kap清氣，in佇摩西律法外圍建立起嚴格ê傳統規矩，畫出界線：誰是潔淨？誰是不潔淨？誰是義人？誰是罪人？
佇當時，kap人同桌食飯，代表完全ê接納與親密。耶穌去kap這群被社會看不起、被宗教排斥ê人食飯，就是打破界線。耶穌引用何西阿書來回應法利賽人：「我愛憐憫，毋愛祭祀。」法利賽人因為太執著於「祭祀」ê規矩kap界線，結果完全看不見上帝真正ê心意，也無法看見耶穌與這群人同桌ê憐憫。
3. 第二頁：世界中ê難題
當咱看著法利賽人ê時，咱真容易定in ê罪；但是咱也著提一面鏡仔來照自己。
親像古早ê以色列人kap法利賽人一樣，任何一間教會、任何一個信仰團體，特別是有豐富歷史ê教會kap教派，都真容易陷入自己固定ê想法kap限制裡面。咱人真容易習慣「自古以來ê傳統」，將重心放佇「祭祀」：咱熟悉ê主日禮拜方式、咱熟悉ê程序、咱會唱ê詩歌、咱習慣聽ê經文kap講道方式。這些攏無錯，也攏有價值。問題是，若咱只守住這些形式，卻漸漸忘記「憐憫」：那種需要跨越界線、需要弄髒手、需要去關心邊緣者、需要面對挑戰ê hesed，咱ê信仰就會慢慢變成空殼。
咱對主ê愛，敢會親像早起ê雲霧？禮拜日真虔誠，禮拜一到禮拜六卻忘記行出公義？咱敢會只有佇禮拜堂內有上帝，離開禮拜堂以後，上帝就親像已經「離家出走」？咱ê文化常常教導咱將信仰kap行為分開，將信仰看做內心ê理論、個人ê安慰，卻忽略真正ê信仰，必須透過行動表達出來，成做看會見ê見證。
特別是當教會、信仰團體、甚至國家，面對尋求方向ê過渡kap轉型時，這是一個真容易感覺軟弱、無安全感ê時刻。若缺乏核心信念kap價值，關係就容易變成功利，團體也會陷入深深ê孤立kap流離失所感。當人感覺軟弱、面對未知，咱自然ê直覺就是驚惶；有人會抓緊舊ê方式，起牆圍起來，匿佇自己感覺安全ê鳥籠裡面。但是咱若按呢做，目睭就會變霧霧，有危險錯過聖神欲啟示咱ê新事。
教會kap傳道者，佇面對世界ê種種議題，特別是政治相關ê議題時，的確需要非常小心，也需要帶著警醒ê心。但是小心並毋是沉默。何西阿ê經文背景，本身就充滿政治、軍事、經濟與宗教ê糾纏：北國以色列用武力逼迫南國猶大，南國猶大向亞述求援，亞述出兵，最後北國以色列滅亡，猶大也付出失去自主ê代價。聖經並無迴避政治、軍事對抗、經濟剝削、對人ê屠殺，以及為了自己利益出賣同族ê現實。
這也提醒咱，今日台灣ê處境，同樣需要屬靈ê分辨。當外在強權持續威脅台灣，當內部政治人物或政黨因為恐懼、權力、利益，傳遞削弱台灣自主與民主制度ê信息，甚至無意中成為敵對勢力ê工具，這毋只是政治判斷ê問題，也是信仰良心ê問題。因為若一個群體為了眼前ê利益，放棄對真理、公義kap鄰舍ê責任，結果往往是讓整個社會付出代價。我們面對的，不只是單一的個人，或是哪個黨的黨主席，而是一群也照著走歪路的人，是一群人形成的氣力與利益團體，以及帶來驚害與不安的「大群」。
何西阿先知看見當時ê人只有空空ê宗教行為，卻無真心愛憐憫，也無意願認識公義ê上帝。所以上帝講，祂用先知ê話語責備in，祂ê審判親像光發出，無人會當閃避。但願咱佇聖經kap世界中，看見人ê有限，也看見人真正需要上帝極大ê憐憫。上帝並無放棄與祂立約、願意真心尋求祂ê人kap群體。基督福音真正可以救台灣。
危機可以成做轉機；人ê軟弱，也可能成做上帝大氣力彰顯ê所在。
4. 第三頁：經文中ê福音
從今日ê馬太福音，咱聽見ê好消息是：耶穌帶著極大ê恩典，打破了當時多多人認為「正確」ê信仰模式。耶穌親身活出 hesed，活出憐憫kap慈愛。祂予咱看見，信仰毋是一套神學理論，毋是只有遵守律法、規條或傳統。活跳跳ê信仰，是一種「起身跟隨」，是一種忠誠、實際、有行動ê表達。
咱詳細看馬太福音第九章耶穌所做ê事：耶穌主動跨越社會kap宗教ê每一條界線，從潔淨到不潔淨，從仇敵到朋友，從失落到復原，從死亡到活命。
聖經記載，有一個患血漏十二年ê婦人。照利未記第十五章ê規定，這病予她佇社會kap宗教上攏成做「不潔淨」。這十二年來，她無法度進入正常ê宗教生活，無人敢摸她，她也無法自在出現佇群體中。在他出現於群體與公開的場合，他還要自己大聲話：「不清氣！不清氣！」讓人可以閃躲他。她是完全被孤立ê邊緣人。
但是，她伸出手，去摸耶穌衫ê穗仔。民數記十五章記載，這衫穗仔是上帝誡命kap聖約ê記號。她摸耶穌，並無予耶穌受污染；相反地，耶穌賜生命ê潔淨，醫治了她ê破病。耶穌無共她推開，反而轉過身，看見她，對她講：「婦仁人啊，做你安心！你的信互你好啦！」
耶穌隨後閣去牽一個死去ê查某囡仔ê手。佇當時，摸死屍是重大ê不潔淨。照律法，祭司不可隨便接觸屍體，大祭司更加不可接觸任何屍體。但是耶穌親像古早ê先知以利亞、以利沙一樣，越過死亡ê界線，予她復活。
這就是行動中ê hesed。這是一種回應人真實需要、堅定不移ê愛。而且是在公眾的面前，公開的信仰見證。
對轉型中ê教會kap信仰群體來講，耶穌做這些事，並毋是欲拒絕過去ê歷史或傳統。佇這段經文前面，耶穌講起「新酒kap舊皮袋」ê比喻。重點毋是單純講舊ê攏無用，新ê攏較好；重點是，耶穌欲予咱看見，若上帝新ê生命欲進入咱中間，咱也需要有合適ê器皿來承載。祂無要求咱放拺五十七年來所珍惜ê傳統；相反地，祂欲用新ê方式，延續這段歷史，予傳統佇新的時代裡，重新被人看見、被人感受、被人經驗做福音。
有時，教會也親像那個患血漏十二年ê婦人人，長久感覺疲累、孤單、失去力量；有時候，教會也親像那個大家以為已經無可能ê查某囡仔，旁人已經開始哀哭，耶穌卻講：她不是死，是睡。主ê憐憫，就是進入人認為無可能ê所在，牽起人ê手，叫生命重新起來。
當咱承認咱攏是有病、破碎、需要醫治ê罪人，這聽起來親像是壞消息，卻反而成做福音ê起頭。因為這打破咱ê自滿，打開咱ê心，予咱準備好領受主奇妙ê醫治kap轉化。
5. 第四頁：世界中ê福音
兄弟姊妹，咱今日聽見耶穌講：「我愛憐憫，毋愛祭祀。」這句話不是叫咱放棄傳統，也不是叫咱看輕過去五十七年兄姊ê忠心、犧牲kap服事。相反地，耶穌是提醒咱：真正有生命ê傳統，攏總需要不斷回到上帝ê憐憫、回到聖神ê帶領、回到人ê真實需要。若一個傳統已經無法成做憐憫ê器具，無法讓受傷ê人得醫治，無法讓被排除ê人得接納，無法讓下一代聽見福音，那麼主就邀請咱重新學習：「這句話是什麼意思？」
整個 PC(USA) 美國長老教會也正在經歷一個深層ê轉變。總會在 2022 年成立 Unification Commission，目的就是將過去ê Presbyterian Mission Agency 以及 Office of the
General Assembly 整合成一個新ê unified agency。這不是單純換名字、換組織圖，而是在問一個更深ê信仰問題：佇這個貧窮、戰爭、苦難kap分裂愈來愈深ê世界，教會欲按怎更清楚分辨上帝ê旨意？欲按怎更忠實活出基督ê福音？
這個新機構現在叫做 Presbyterian Life & Witness，意思是「長老教會ê生命與見證」[1]，標語是 Serving God’s Mission
in the World，服事上帝佇世間ê宣教。它所強調ê方向，包括支持中會、培養領袖、整合教會事工、實踐修復公義、建立教會共同體ê生命，以及與不同夥伴建立關係。換句話講，總會也在學習：教會ê結構不是為了保存結構本身，而是為了幫助教會更有生命、更有見證、更能回應上帝ê呼召。
對咱教會來講，這不是遙遠ê總會消息而已。這是一個提醒：連全國性ê教會，都需要佇聖神ê帶領下重新整理自己，重新問：「咱是誰？咱為什麼存在？咱欲按怎佇這個時代作見證？」那麼，咱這間設教五十七年ê台灣人教會，也會當用同樣ê信心問：主啊，祢今日呼召阮成做啥物款ê教會？祢欲阮保存ê是啥物？祢欲阮放下ê是啥物？祢欲阮重新點燃、重新打開、重新學習ê是啥物？
咱總會總幹事 Rev. Jihyun Oh 牧師也提醒，這個新結構ê目的，是幫助教會將「教會性ê身分」kap「宣教性ê身分」整合起來，使咱對上帝ê愛kap公義ê見證更加一致、清楚、有影響力。[2]這句話對咱真重要。教會毋是只有禮拜、制度、法規kap歷史；教會也毋是只有活動、外展、改革kap創新。真正健康ê教會，是佇敬拜中受聖神更新，佇憐憫中遇見鄰舍，佇傳統中聽見福音，佇新ê處境中行出新ê見證。這個月月底，總會就要在Milwaukee,
WI召開年會，邀請整體的教會一起來尋求上帝的心意，一起來見證。
咱所屬ê芝加哥中會，也正在學習這個功課。芝加哥中會是 PC(USA) 裡面非常大、也非常多元ê中會之一，有悠久ê歷史，也有許多不同族群、語言kap文化ê教會。面對美國教會整體人數下降、牧者轉換、社會快速改變ê處境，中會並無選擇放棄，也無只是講：「咱以前攏是按呢做。」最近春季中會裡，中會幹事牧師 Rev. Dr. Craig Howard 分享一個鼓勵人ê消息：[3]目前沒有教會正在關閉程序中，牧職空缺也比平均少，甚至有三個新的 new worshiping communities，新的敬拜群體，預備佇未來開始。這不是因為教會完全無困難，而是因為聖神仍然佇人ê有限、制度ê限制、傳統ê框架中間，開出新ê路。
這對咱教會也是一個提醒。教會ê轉變，不只是找一位新牧師，不只是調整聚會時間，不只是討論講什麼語言、唱什麼詩歌、辦什麼活動。這些攏重要，但是更深ê問題是：咱是否願意成做一個被聖神更替換新ê群體？咱是否願意讓主ê憐憫hesed，重新成做咱判斷事情ê中心？咱是否願意問：今日坐佇餉關邊、被人看不起ê馬太是誰？今日伸手摸耶穌衣裳、長久孤單受苦ê婦人是誰？今日已經被大家認為「無可能」ê那個孩子、那個家庭、那個世代、那個教會夢想，又是誰？
中會最近另一篇反省講到，真正能使一個團隊連結佇做伙ê，毋只是制度，也毋只是開會，而是信任。[4]信任需要真誠、清楚kap同理。這對教會轉型真重要。若咱欲行新ê路，就需要真誠面對現在ê處境，毋免假裝無問題；也需要清楚說明咱為什麼需要改變，毋是為了改變而改變；更加需要同理彼此ê驚惶、疼痛、期待kap失落。因為轉型不是用力量推人向前，而是用憐憫牽手作伙行。
中會幹事牧師佇另一篇文章講到「朝聖、信仰旅程」。[5]朝聖不只是去一個遠方ê聖地，也是一個內在轉化ê過程。人離開熟悉ê所在，進入一個「已經」(already)
kap「尚未」(not
yet) 中間ê空間。佇那個陌生、無確定、甚至有一點不安ê所在，聖神常常做最深ê工作。
這對咱教會真有意思。咱現在也是佇一段朝聖ê路上。設教五十七年以後，咱有過去ê根，有台灣人ê信仰記憶，有移民ê故事，有長輩ê忠心服事；但是咱也面對一個新ê世代、新ê芝加哥、新ê美國、新ê教會處境。這條路有時會感覺奇怪，感覺不習慣，感覺「這毋是咱以前ê方式」。但是也許，就是佇這種「奇怪kap新」ê中間，聖神正在邀請咱更靠近上帝ê心意與計畫。
因為「憐憫」hesed不是將自己關起來，保持乾淨，避免接觸外面ê人。照今日ê福音來看，耶穌ê聖潔，是走到稅吏ê桌邊，kap罪人同桌；是轉身看見受苦ê婦人，和他說話；是進入死亡ê房間，牽起孩子ê手。這款「聖潔」，是憐憫ê聖潔；是會跨越界線ê聖潔；是會使人重新復活起來ê聖潔。
所以，兄弟姊妹，轉變不一定表示失去自己。真正受聖神帶領ê轉變，是更加成為基督ê身體。就親像耶穌講：「我愛憐憫，毋愛祭祀。」這不是否定祭祀，而是將祭祀帶回真正ê中心；不是否定傳統，而是將傳統帶回上帝ê憐憫、帶回 hesed；不是否定教會ê過去，而是讓過去五十七年ê恩典，成做咱今日繼續向前行ê力量。
所以，咱毋免驚惶。主無放棄祂ê教會。聖神也無停止工作。若芝加哥中會佇困難中仍然嘗試新ê敬拜群體，若整個 PC(USA) 仍然聚集總會來祈禱、分辨、尋求上帝ê帶領，咱這間五十七年ê台灣人教會，也會當繼續問：主啊，祢欲阮學啥物？祢欲阮打開哪一扇門？祢欲阮用憐憫去遇見誰？
希望我們兄姊都記得與相信：聖神帶領教會ê轉型，不是叫咱放棄過去，而是叫咱將過去ê恩典，重新變成今日行出憐憫、醫治與見證ê氣量。
願上帝ê聖神降臨佇咱中間，繼續引導、寫咱教會接續下來五十七年，充滿恩典ê歷史。願主予咱成做一個「佇行動中間基督ê身體」，行出憐憫；佇聖神ê帶領下，用堅定不移ê愛，勇敢kap上帝同行，續繼美好的見證。
阿們。
[1] https://pcusa.org/presby-life-witness
[2] https://pcusa.org/about-pcusa/church-structure/general-assembly
[3] https://chicagopresbytery.org/2026/05/19/presbytery-assembly-highlights-may-14-2026/
[4] https://chicagopresbytery.org/2026/05/26/what-holds-a-team-together/
[5] https://chicagopresbytery.org/2026/06/01/pilgrimage/
Comments