越頭佮恩典相遇 (以賽亞書 1:10-18，路加福音 19:1-10) (In Taiwanese)
Date: November 2, 2025
Location: 芝城台灣基督長老教會
Sermon title: 越頭佮恩典相遇
Scriptures: Isaiah 1:10-18, Luke 19:1-10
1. 請安
親愛的兄弟姊妹，大家平安！
真歡喜今á日閣閣有機會佮大家作伙吟詩、禮拜、分享團契 ê 生活。
咱每禮拜禮拜頭一句話「平安！」（Shalom），不是只是一句問候。
這个字的意思是：原本對立的雙方，放下武器，停止戰爭，不再互相敵對；
也表示人與上帝之間的關係恢復正直、無懼怕、有和諧。
所以，當咱互相講「平安」的時陣，就是在宣告：
雖然咱對事情、議題、看法有歧見，咱無是敵人；
咱願意用誠實、尊重、關懷來交流，因為這是上帝創造人ê美麗多樣，也是信仰群體追求「合宜關係」的記號。
我也欲向兄姊真心感謝。因為兄姊常常用真誠的心，分享對禮拜中所選 ê 詩歌、講道內容的回應，這是教會活力的記號。
我真感動──若每間教會ê兄姊攏親像芝城長老教會ê兄姊按呢認真、按呢參與，傳道人就不敢草率、不敢隨便，會更加謹慎預備，專心尋求上帝的道。
我知我是一個有限、也會犯錯、有罪的人。有時我嘛會向上帝祈禱：「主啊，求你補足我ê不足，使用我ê有限，轉做你ê工具。」
牧師穿 ê 烏滑滑 ê 袍，嘛提醒我──這是人性ê象徵，有限制、也需要恩典。願上帝容讓我用我所有的智慧與準備，盡力講出永活 ê 道，讓聽的人得著祝福。
也請兄姊繼續給我指教、鼓勵，讓我能做一個beh
kah好 ê 傳道人，kah好 ê 人。好無？
2. 講道前的祈禱
我們一起來禱告：
耶和華我ê石磐，救贖我ê主ah；
願我ê嘴所講ê，心所想ê，tī你ê面前得tio̍h接納。阿們。(詩19:14)
3. 以賽亞書——猶大走上毀滅之路：對外人無款待、對弱勢無憐憫
3.1. 以賽亞書的時代背景
以賽亞書成書的時代，是北國以色列已經滅亡、南國猶大孤單面對四面威脅的時期。
雖然國家政權猶原存在，經濟表面上看起來興盛，社會秩序尚穩，實際上卻暗藏危機。
先知強調：「錫安是上帝的餘民」，若無上帝的憐憫，猶大早已像所多瑪與蛾摩拉一樣滅亡。
[投影片 - City of Sodom 1 /
black and white]
「只有留錫安城，親像葡萄園 ê 草寮、瓜田 ê 草厝，是受圍困 ê 城。若
m̄ 是萬軍 ê 耶和華 kā 咱留淡薄 chhun
ê 百姓，咱就已經親像所多瑪、親像蛾摩拉。」（賽1:8–9）
這段經文讓人看到：猶大國的繁榮是假象，而真正的危機，是道德與靈性的敗壞。
3.2. 互文閱讀（Intertextual
Reading）
聖經的經文彼此呼應、彼此詮釋——後來的經文往往成為早期經文的註解。
以賽亞書第一章，正是以創世記中「所多瑪與蛾摩拉」的故事作為對照。
3.3. 從「雙城的毀滅」看猶大的罪
[投影片 - City of Sodom 2 /
red motif]
在創世記十九章的敘事中：
兩位上帝的使者來到所多瑪；
羅得款待他們，將他們接入厝內；
城內百姓卻以暴力與敵意回應；
結果，他們眼目被擊瞎，羅得一家被帶離城外，逃離毀滅。
以賽亞書重新詮釋這個主題：百姓「行惡」，所以耶和華拒絕他們的祭物、厭惡他們的聚會。即便在國富民安的時期，先知卻領受異象，指出那看似虔誠的宗教，其實是假冒的敬拜。
其他先知也強調同樣的主題：
[投影片 - 以西結書]
以西結書16:49–50
「你ê小妹所多瑪ê罪是chit款；伊kap伊ê眾cha-bó͘-kiáⁿ，心志驕傲，米糧飽足，享受安逸；lóng無扶助困苦kap
sòng-hiong人ê手。In自高，tī我ê面前行可惡ê事，我看了就將in除去。」
[投影片 - 阿摩司書]
阿摩司書4:1,
11
「lín欺負sòng-hiong人，壓制艱苦人……我chhia倒lín中間kúi-nā ê 城，親像上帝chhia倒所多瑪蛾摩拉一樣……lín iáu-kú無歸ǹg我。」
三位先知──以賽亞、以西結、阿摩司──所指的「罪」，都是相同的：驕傲、冷漠、無憐憫。因此，以賽亞書1:16–17呼籲百姓悔改：「lín tio̍h 洗來家己清氣；tùi 我 ê 目睭前除去 lín 所行 ê pháiⁿ；soah lín ê 做 pháiⁿ；學習行好，chhē 公平，拯救受壓制 ê，kā 無父 ê kiáⁿ 申冤，為守寡人辯護。」
暴力與宗教虔誠若共存，信仰就成為上帝眼中可憎的虛假。
3.4. 從耶穌的角度看——拒絕上帝的使者
耶穌在新約中延續了這個信息。祂差遣門徒兩個兩個出去傳福音，並警告說：若有人不接待、拒絕上帝的使者，那個城的結局，將比所多瑪與蛾摩拉還要慘。
[投影片 - 馬太福音]
馬太福音10:5–15
「若有人m̄接納 lín，也m̄聽 lín ê話，出hit ê厝、hit ê城ê時，就tio̍h拌去 lín 腳裡 ê 土粉。我實在kā
lín講，當審判 ê 日，所多瑪kap
Gô͘-mô͘-la̍h ê地方比hit
ê城iáu khah快擔當。」
[投影片 - 路加福音]
路加福音10:1–12
「若入甚麼城，人m̄接納 lín，就tio̍h出去 in ê 大街路講：『連 lín ê 城 ê 土粉，阮也 tī 腳拭去。』我kā lín講，hit日所多瑪比hit ê 城iáu khah快擔當。」
這是對全人類的提醒：不友善對待上帝的僕人與陌生人，就是拒絕上帝自己。
[投影片 – angles / black and white]
希伯來書13:2也這樣教導：「莫得bōe記得接待人客；因為tùi án-ni，bat有接待tio̍h天使，亦m̄知ê。」
以賽亞的異象不是歷史的哀嘆，而是信仰的警鐘：當敬拜失去公義，信仰失去憐憫，人民驕傲自滿、對弱勢無款待，上帝的審判就近在門口。真正的敬拜，是學習「行好、行公義、拯救受壓制的人」，這樣的信仰，才是上帝所悅納的禮物。
3.4. 誤解與重新認識
[投影片 – Parade in Israel]
咱攏知「所多瑪與蛾摩拉」的故事，長久以來常常被人誤解。很多基督徒傳統將這段經文當作對「同性戀」的譴責，然而，若看猶太信仰本身，情況其實無仝。以色列是一個深受猶太教與妥拉律法影響的國家，但也是近東地區最早、也是最包容
LGBTQ 群體的社會之一。自
2006 年起，以色列就承認海外註冊的同性婚姻[1]，每一年都有上百萬人參與同志遊行。這个事實提醒咱：一個從妥拉信仰出發的民族，對「所多瑪與蛾摩拉」的理解，並無只是道德或性別的問題；他們更強調的是——那兩座城的罪，是對外人無款待、對弱勢無憐憫、對陌生人施暴。
這和咱過去在基督教傳統內聽見的講法，可能真無仝。
3.5. 今日雙城
若照先知以賽亞的眼光來看，今á日若有國家會步入「所多瑪與蛾摩拉」的命運，問題m̄ 在於性別倫理，而是在於無款待、無憐憫。
[投影片 – Israel’s war in Gaza]
https://www.sbs.com.au/news/article/latest-round-of-israeli-air-strikes-on-gaza-kills-at-least-31-people-as-ceasefire-hopes-fade/3h2vscwy2
若是有一日，以色列再度陷入「所多瑪與蛾摩拉」彼款悲慘的下場，原因m̄
會是「接受同性婚姻」，反倒較可能是——對寄居的巴勒斯坦人失去友善、對鄰舍懷著敵意。
咱每禮拜公禱事項攏會提起的，以色列與哈瑪斯佇加撒的戰爭，就是一個活生生的例。
以色列長期壓迫巴勒斯坦人，無論在經濟、文化、生活條件，抑是靈性層面，早已遠離「平安／Shalom」的真正意義。這種不義的結構，引發了兩年前哈瑪斯武裝組織的「報復行動」，無差別攻擊音樂節，造成數百人死傷。而以色列的報復更是慘烈——幾乎令加撒成為無法居住的廢墟。國際間紛紛譴責：聯合國、人權團體、甚至國際刑警組織與歐洲人權法院，都指控以色列政府違反人道與戰爭法，並對首相發布通緝。
縱使今á日雙方簽署「停火協議」，戰火猶未止息——上禮拜，以色列猶閣空襲加撒，閣造成上百人死傷。這一切攏提醒咱：若「平安」離開了公義，宗教的信仰與國家的權力，就會變做毀滅自己與別人的火焰。若今á日美國欲自省，咱嘛著問：什麼會讓美國變成「雙城」？是對無證件移民的敵意與暴力。
近來，美國移民執法人員（ICE）多次以強硬手段面對抗議群眾。10月11日，芝加哥中會牧師
David Black 牧師 tī 示威中，予橡膠子彈擊中頭部；[2]10月23日，奧克蘭的社區與移民權組織抗議
ICE 進駐海岸防衛隊基地，另有一位
UCC 牧師予近距離胡椒彈擊中。這攏是信仰社群所見證
ê 暴力與不公。[3]
同時，美國有 四千二百萬人 靠「食物券（SNAP, Supplemental Nutrition Assistance Program）」過日，美國是全世界GDP最高的國家，但是，今天因為聯邦政府的停擺，這四千二百萬人，可能就要面臨吃不飽的嚴重問題，特別是現在冬天已經來了。這个社會內部的貧窮、飢餓、與冷漠，正是先知時代「所多瑪罪」的現代翻版。[4]
面對這个現實，以賽亞替百姓開口，佇上帝面前辯講：
「你們 ê 罪雖然親像朱紅，beh
變白親像雪；雖然紅親像胭脂，beh
白親像羊毛。」（賽1:18）
這个「紅變白」ê 奇蹟，並無是靠力量，也無是靠制度，而是出於願意越頭、重新行公義、學習款待、行上帝所喜悅的路。
咱接下來來看第二段經文——路加福音，撒該的故事——看恩典是按怎來發生的。
4. 路加福音中的撒該
[投影片 – 撒該 1 – 彩色]
這段撒該的故事，接續前兩週的主題──守寡婦和不義法官的比喻講到追求公義（路18:1–8），以及法利賽人和稅吏禱告的比喻（18:9–14），上帝看那個誠實懺悔的稅吏反而為義。今天的經文更進一步，讓這兩種身分──「稅吏」和「富人」──同時出現在一個人身上，就是撒該。
耶穌經過耶利哥，一個富裕的地區，群眾擁擠，大家都想看看這位老師。撒該是「稅吏的頭人」，又是「大富翁」。經文講：「伊想欲看耶穌是甚麼人，m̄
過人chōe，看bōe
tio̍h，因為伊身軀矮細。」
在社會眼中，撒該的職業是「不義」的象徵，因為稅吏替羅馬政府抽稅，常常被視為貪婪、背叛同胞的人；他的財富又讓人懷疑，認為「好額人」一定有歪哥的路數，這是道德層面的排斥。
聖經說他「矮小」，這不只是外貌描述，也暗示社會對他的主觀偏見——一個不被重視、不值得信任的小人物。
然而，撒該並無因為這樣就放棄。他跑到人群前面，爬上桑樹，只為了「看見耶穌」。這個舉動像是信心的象徵：一個被拒絕的人，仍然主動尋求恩典。
[投影片 – 撒該 2 – black and white]
耶穌看見他，抬頭對他講：「撒該，緊落來！今á日我欲歇
tī 你ê 厝。」
耶穌的這句話，是恩典的開端——不是撒該邀請耶穌，而是耶穌主動進入撒該的家、撒該的生命。撒該立刻落來，歡歡喜喜接待。群眾驚訝甚至不滿，講：「伊入去歇
tī 一個罪人 ê 厝！」
撒該的回應出人意料。他站起來對主說：「我欲將我所有
ê 一半 hō͘ 窮人；若我欺負過人，我欲賠四倍。」
這不是一個交易，也不是為了「換得」救恩；反倒像是一個真誠、感恩的回應。有人說撒該是為了辯護自己的清白，也有人看見這是一種悔改的行動——一個因被接納而改變的靈魂。就像咱的「感恩奉獻」，不是為了交換祝福，而是自然流露出「我已經得著上帝的恩典」的生命態度。
[投影片 –
Jesus table]
耶穌接著講出關鍵的話：「今á日拯救到
tī chit ê 家；因為伊也是亞伯拉罕
ê kiaⁿ 孫。」
這句話讓眾人震驚：耶穌不但宣告救恩臨到撒該一家，也重新定義了誰是「亞伯拉罕的子孫」。
這個曾被社群排斥、被人嫌惡的稅吏，如今被稱為上帝的子民，重回信仰的群體。
耶穌的宣告也揭示祂使命的核心：「人子來，是欲尋找佮拯救失落 ê 人。」
這句話顛覆了群眾的觀念——救恩不是為「好人」預備的，而是為那些被邊緣化、被拒絕、被忘記的人預備的。上帝的恩典，是從祂主動開始的行動：祂先看見、先呼召、先進入。
撒該的故事，就是一個「被看見的故事」。在人眼中，他又矮又貪；在耶穌眼中，他是「失落、但可尋回的」人。這是一個被愛所轉化的故事，一個救恩主動臨到的故事。
Amazing Grace 奇妙恩典何等甘甜，這詩歌的「Once
I was lost, but now am found. Was blind but now I see. 前我失迷今得歸回，失明今得看見。」似乎也可以用在這裡，代表撒該的經歷：從失落到被尋回，從被拒絕到被擁抱，從黑暗到看見光明。
5. 越頭佮恩典相遇
[投影片 - 越頭佮恩典相遇]
路加福音的這段故事，正是一個「雙方越頭」的相遇。
耶穌先越頭──佇人群中抬頭，看見撒該這個被忽略的人；
撒該也越頭──誠心接待耶穌，歡歡喜喜迎接祂入厝。
這个相遇，是恩典開始的時刻。耶穌找著一個安歇的所在，無需要再抖落腳上的塵土；撒該找著救主，找著上帝的拯救，重新被接納作上帝的子民、亞伯拉罕的子孫。
這个「越頭佮恩典相遇」的故事，邀請咱每一个人重新思想：
——我佇人生的哪一段路，該越頭？
——咱的社會、咱的教會、咱的國家，佇啥个所在需要越頭？
——上帝會佇啥个時陣，為咱越頭？
這是對個人ê呼召，也是對群體、社會、甚至政權的挑戰。
以賽亞書
1:16–17 說：
「學習行好，chhē
公平，拯救受壓制 ê；kā 無父 ê kiáⁿ 申冤，為守寡人辯護。
lín
ê 罪雖然親像朱紅，beh
變白親像雪；雖然紅親像胭脂，beh
白親像羊毛。」
這句話毋但對猶大國講，也是對今á日以色列的官長與百姓講，對美國的領袖與社會講，對台灣ê政府與人民講。
若咱願意越頭，願意重新行公義、學行好、顧憐弱勢，就會閣閣有機會佮恩典相遇。
因為上帝是「有憐憫、有恩典、無快快發氣、koh
有豐盛慈愛」的上帝（詩103:8）。
耶穌今嘛閣向咱講：「今á日拯救到咱
ê 家；因為咱也是亞伯拉罕
ê kiaⁿ孫。」
願咱攏願意越頭，予恩典入來，予上帝的慈愛再入厝。阿們。
6. 講道後的禱告
咱閣做伙低頭來祈禱。
主上帝、咱的天父，你是有憐憫、有恩典、無緊緊發怒、koh
有豐盛慈愛 ê 上帝，感謝你主啊，咱感謝你，因為咱其中足濟人其實嘛真像撒該：有受傷、有卡矮、有予人嫌、有予社群推出去
ê 時，m̄ 過你猶原看著阮，koh
是叫阮的名。願你予阮對心內來感謝，講：今á日救恩已經到阮家。
主啊，阮承認，阮
ê 手有時真親像以賽亞所講──「滿滿是血」；阮有時參與不公義
ê 制度，有時攏知影，m̄
過無出聲，有時嘛阮袂甘款待無勢力
ê 人、。求你赦免阮，洗清阮，照你所應允
ê：互阮重作你清氣 ê
百姓。
主耶穌啊，你今á日
tī 經文中是先「越頭」ê
hit 一位，你先轉向撒該，叫伊落來、叫伊開門。求你嘛向阮越頭，向阮教會越頭，向這个城市、向這个國家越頭，hō͘
阮嘛有勇氣越頭向你。歡歡喜喜請你入來
ê 人。
主啊，請你用你
ê 聖神閣一次來感動阮
ê 心，hō͘ 阮講悔改 ê 話 m̄ 是嘴講而且，卻是真正變做行動──
去 找chhē 公平正義；去照顧無父 ê 孩；去替守寡人講話；去接待行路人、無所在可休息 ê 人、喪鄉的人；去對受壓制 ê 人講：「上帝猶原看顧你。」
主啊，我欣慕你教示 ê 話；求你照你
ê 公義 hō͘ 我活；願你 ê 慈愛，就是你 ê 救恩，臨到阮。
禱告靠救主耶穌基督 ê 名來求，阿們。
[1] https://www.usatoday.com/story/news/factcheck/2021/06/08/fact-check-posts-gay-rights-israel-missing-context/7599411002/
[2] https://www.cnn.com/2025/10/08/us/video/amanda-tovar-witness-chicago-reverend-david-black-ice-pepper-balls
[3] https://www.facebook.com/share/1BUaYRCXFP/
[4] https://www.nytimes.com/live/2025/10/31/us/trump-news
Comments