受光呼召來跟隨耶穌 (以賽亞書 9:1-4, 馬太福音 4:12-23) (January 25, 2026)
Date: January
25 2026
Location: TPC
of Greater Chicago
Sermon title:
受光呼召來跟隨耶穌
Scriptures: 以賽亞書 9:1-4, 馬太福音 4:12-23
https://www.youtube.com/live/BNuiwSeYITk?si=ZWxPE2cQ8wTUhSnk&t=1036
0. 講道開場（普世基督徒合一禱告週）
親愛的兄姊，大家平安！
過去這一个禮拜，全美真濟所在經歷極地氣候：大雪、低溫。感謝上帝的保守，咱猶原通聚集做伙，無論是佇禮拜堂內，抑是透過網路線上參與，攏見證上帝的恩典與咱同在。
今仔日，咱教會佇敬拜中間，也與世界各地 ê 教會，一齊行佇仝一个特別的事工活動內底：普世基督徒合一禱告週（一月十八到一月二十五）。[1]
這个禱告週，是由 World Council of Churches（普世教會協會，WCC） 邀請世界各宗派 ê 教會，佇仝一个時陣停一下來，為合一祈禱，也重新思想：咱佇基督內，是按怎成做一體。
今年 ê 主題是：「同一個盼望，同一個呼召」（one hope, one calling）。[2]主辦單位為咱揀 ê 主要經文是〈以弗所書〉第四章四節：
「因為體一个，神一个，
親像 lín 受召 ê ǹg望 也是一个。」（弗 4:4）
這段話，毋是講教會本來就攏無問題，也毋是講差異不存在。反倒是承認：教會分散佇世界各所在，文化無仝、語言無仝、歷史記憶無仝，有時閣會互相誤會、互相傷害。
毋過，保羅提醒咱：合一ê起點，毋是咱攏有共識，毋是咱攏佇仝一个宗派或組織。保羅提醒咱：合一的起點是呼召。
是上帝先呼召咱，呼召咱進入光中，呼召咱成做基督 ê 身體。
若是按呢來看，今仔日主顯節第三主日 ê 經文——以賽亞講「行佇黑暗中ê百姓，看見大光」，馬太講耶穌佇人感受到黑暗的處境中呼召人跟隨——就真自然成做合一禱告週 ê 一部分。
因為合一，毋是先排除黑暗；合一，是佇黑暗中，一齊向光行。
今仔日，咱欲用這个角度來思想今仔日ê講題：〈受光呼召來跟隨耶穌〉。
咱做伙來禱告：
耶和華我ê石磐，救贖我ê主啊；
願我ê嘴所講ê、心所想ê，tī 你ê面前得tio̍h接納。
阿們。（詩 19:14）
一、起頭：黑暗，毋是抽象
咱佇教會內，真熟「黑暗」kah「光」這款語言。
毋過，若是停一下來想，對咱來講，黑暗其實毋是抽象ê神學名詞。
黑暗是有重量ê。
黑暗有時會讓人喘氣無順。
黑暗也會慢慢改變人ê期待。
黑暗可能是：
- 咱開手機，看著一條一條國際新聞，心內感覺愈看愈緊張；抑是看見美國本土種種的消息，心內生出真濟困擾與疑問。
- 黑暗也可能是：咱想起佇太平洋彼岸ê台灣朋友與親人，看見最近立法院裡面對國防預算的阻擋，一時無知影欲按怎講。
- 黑暗嘛可能是：咱行入教會，看著身旁兄弟姊妹ê面貌，心內是歡喜，卻浮起一个問題：「未來敢猶原會按呢快樂、平安，閣通鬥陣行？」
最近，世界因為軍事衝突、不同國家對內部展開的暴力、政治恐懼再一擺振動。這對台灣人、對咱生活佇芝加哥ê兄姊來講，毋是冷冰冰ê新聞。
對咱來說，這會喚起歷史記憶；對有些兄姊來說，這也是家族記憶——讓人知影世界有時對細漢ê國家、對弱勢ê人並無溫柔。
佇教會內，黑暗有時是較安靜ê。
是一種講毋出口ê疲倦。
是一種「我猶原忠心，毋過我無真確定方向佇佗位」ê感覺。
今仔日ê經文，好像正正寫 hō͘ 這款時刻。
二、第一頁：世界中ê困境
馬太福音欲開始講耶穌ê公開事工以前，先提一件真沉重ê代誌：施洗約翰被「交付」關監。
這毋是單純被捉，是被交佇權力、被交佇暴力ê手中。
這段經文，好像 hō͘ 咱看見一个情形：
一个世界會對講真理ê人感覺不安；一个世界裡，有權力的人會為著保護家己，先對付先知。
這個世界，咱無是旁觀者。
今年一月七日，Minneapolis 發生一件震撼全美教會ê悲劇：一位姊妹 Renee Nicole Good，佇一次 ICE 移民執法行動中，身中三槍，當場死亡。[3]
Renee 毋是新聞裡ê陌生名字。她是芝加哥 Edgewater Presbyterian Church ê 會友，是 PC(USA) 家庭內底的一份子。她有三个孩子，有牽手，有信仰，也有服事呼召。
她曾經離開美國，去 愛爾蘭 做宣教士，有七年的時間；不是為了成名，是為了陪伴、傾聽，與兒童以及有需要的人同行。[4]
認捌她的人講：Renee 是一個願意聽人講話的人；她相信真實的關係可以帶來醫治。
就在她生命最後 ê 時刻，面對致命暴力，她留落一句話：
「I’m not mad at you。」
「我無生氣。」
兄姊，這句話毋是天真，毋是軟弱，也毋是放棄公義。
Dr. Martin Luther
King Jr. 稱這款生命姿態做 dangerous unselfishness——一種毋讓恐懼做最後決定ê無私，一種「看無自己」的勇氣。[5]
Renee ê 死，讓咱更清楚看見：世界——包括美國在內——真實是一個戰區。有暴力，有恐懼，有無辜的人受傷。
三、第二頁：經文中ê困境
以賽亞書第九章，是寫佇南國猶大受亞述帝國壓迫、百姓受苦ê時代。先知形容耶路撒冷的混亂、聖殿的毀壞，也指出以色列將要面對審判。
就在這个情況下，先知傳達一个令人驚奇ê訊息：有光會出現。
但這个光出現ê所在，並毋是耶路撒冷；是 西布倫 kah 拿弗他利。
若是咱停一下來想，這看起來毋只是地理上ê安排，反倒會引咱去思考：上帝敢有透過這些被看輕、被忽略ê所在，欲讓人慢慢看見伊救恩行動ê方式？
聖經學者提醒咱：
- 「西布倫」ê意思像是「厝、居所」；
- 「拿弗他利」ê意思像是「爭戰、掙扎」。
換一句話講，上帝ê百姓佇那時候，真濟人是佇生存ê邊緣中揣厝、揣一个通喘氣ê所在，佇掙扎中間生活。
以賽亞形容 in 是：「行佇黑暗中ê百姓。」
黑暗猶原存在；毋過，以賽亞閣講一句真特別ê話：「有光已經照in。」
這不是講黑暗消失；先知是講：光已經佇黑暗中出現。
四、第三頁：經文中ê恩典
若是按呢來看，今仔日這兩段經文，好像毋是欲 hō͘ 咱一个立即 ê 答案，較像是邀請咱重新學習看世界。
馬太福音書也引用以賽亞書的經文，但聽經文的人所在的處境不同。
以賽亞的聽眾是北國以色列已經亡國，南國猶大面對亞述帝國的威脅，人人心中恐懼不安；馬太福音的聽眾，則是看見大家尊敬的施洗約翰被希律抓去關監，耶穌也離開故鄉拿撒勒，去到加百農徛起。
就在這个時候，耶穌開始宣傳，講：
「恁著反悔，因為天國近啦。」（太 4:17）
對馬太的讀者來講，這句話會真刺心：羅馬帝國的陰影猶原罩著，先前有尼祿迫害（64 年羅馬大火後的鎮壓），聖殿又佇主後 70 年被毀；人攏感覺無安全。
加百農，是猶太人以及外邦人混居的所在，是「不清潔」的所在；猶太人住佇外邦人中間。天國（上帝的國／天國的掌權）若對照羅馬帝國（Caesar 的國），對當時聽的人就有很多層次的意義：不是皇帝的恐怖和平（羅馬和平），而是上帝的統治臨近——一種不靠恐懼維持的統治。
然後，耶穌呼召四个討漁的人。經文寫得真簡單：
「來隨我，我欲互恁得著人親像討魚的。」
咱若想深一層：這些漁夫是不是也可能被生活逼迫？是不是無真濟選擇？是不是就像某些時代的人——被迫離開原本的所在、被迫換工作、只好依靠家族的生存技能？這款「不得已」的感覺，台灣人在某些歷史時期（如獨裁、專政、白色恐怖及其後續）也真熟悉：有人被迫離開台灣，無法度自由選擇工作、住所、實踐理想。
但今仔日，耶穌看見這些人。經文無細講他們的內心，但卻講：他們「立刻」放下手邊ê工作來跟隨耶穌。
好像欲讓咱看見：重點毋是門徒有偌厲害；厲害的是耶穌ê呼召——耶穌用他們熟悉的語言與生活經驗，向他們講出上帝的國。
這句話，也許會讓人慢慢感覺著：上帝ê作為已經佇生活中展開；光照著人的生活，人生活的方向就開始轉變。
五、第四頁：世界中ê恩典
1）黑暗中仍然有人回應
Renee ê 死，引起全美教會與跨宗派ê震動。
一月二十三（禮拜五），佇 -21°F ê Minneapolis，包括 PC(USA) 在內，有超過七百位神職人員站出來，為真理、為陪伴、為拒絕恐懼發聲。也聽講有上百位在機場抗議的神職人員受到逮捕。[6]
PC(USA) 總會也對整體教會發出 Action Alert，[7]呼籲會友聯絡所在地選民官員，譴責對移民群體喪盡天良的對待、持續進行的家庭分離、以及 ICE 缺乏問責、近乎法外施權的國內執法。
整個城市甚至整個州，自願性地停工、停班、停課，要求聯邦政府立即停止 ICE 在 Minnesota 的運作。這也讓人想起 Dr. King 所見證的非暴力公民不服從——信仰不是只在教堂裡，信仰也會站出來同行。
咱若問：「上帝按怎會感動恁濟人？」
也許是因為有人願意佇黑暗中站穩，不讓恐懼做最後一句話。有許多人佇這个寒冷的天氣下回應了耶穌：佇受苦、不安與死蔭之地，願意把光帶過去。
2）北美台灣人教會：掙扎不是失敗
當咱轉頭來看北美台灣人教會，也許會感覺熟似。
上禮拜，《台灣教會公報》有一篇長篇報導，題目是：〈世代斷層中的北美台灣人教會〉。內容包括美國基督長老教會全國台灣人教會聯合會的領袖，及多位在北美牧養多年的人所做的分析與分享。[8]
當中提到一些咱也熟似的現象：
(1) 語言轉變：台語使用對第二代與新一代成為障礙；
(2) 世代斷層：教會角色的不確定，新一代移民更能自主找資源與團體，關心的議題也不盡相同；
(3) 事工靠少數人撐，事工分擔沉重；也包括跨國籍婚姻、文化差異等挑戰。造成有半數台灣人教會難以找到專職牧師，或不得不不斷縮小事工。
毋過，若是稍微停一下來想，這敢真的是代表咱失敗？
或者，這是信仰正在轉形 ê 記號？
今仔日的經文，也許提醒咱：不是只問「咱有偌濟人來禮拜」，也問：「咱敢真正認捌咱身處的世界與處境？」以及「咱敢有為著彼此，成做指引光的同伴——讓黑暗毋通佇咱中間變成最後一句話？」
3）德州 Hosanna 教會——讓光進來的開始
咱若講到教會更新，真容易想著「按怎做會較好」。
毋過，德州 Hosanna 長老教會 ê 故事，是對另外一个問題開始ê。那是一間韓國裔移民背景的教會，也曾面對北美許多移民教會共同的挑戰。[9]
In 無先問：「咱愛加啥活動？」、「咱愛按怎吸引較濟人？」
In 反倒停下來，誠實問一个較重 ê 問題：「咱敢有真實面對咱ê黑暗？」
Hosanna 教會當時ê光景，kah 北美真濟台灣人教會真熟似：禮拜猶原繼續，事工猶原有人做，但會友中間，愈來愈濟人感覺孤單。
有人佇教會坐幾十年，卻感覺無人真了解伊；有人真熱心，卻慢慢感覺疲倦；有人想改變，卻驚傷害彼此。In 開始發現，問題毋只是人數減少，是關係開始變薄。
這是一个黑暗 ê 認知，因為承認軟弱，有時比面對外在挑戰閣較困難。
Hosanna 教會並無一擺就「解決問題」。In 做ê第一步，是邀請彼此來講話——毋是討論策略，是講生命：講驚惶，講失望，講「我其實無真知影我佇教會是誰」。
有人第一次講出：「我來教會，其實是驚寂寞，毋是因為我真確定信心。」
有人講：「我一直做事，是因為我驚一停就無價值。」
兄姊，這款對話，就是讓光開始進來 ê 所在。
Hosanna 教會慢慢發現：光毋是佇新計畫內底，光是佇願意被看見ê時刻。In 無追求成做「一間成功ê教會」，反倒學習成做「一間真實ê教會」——一間教會願意講：「咱無完整，但咱願意佇主ê光中互相陪伴。」
當這个轉變發生，教會外 ê 社區也開始感覺著仝款氣味。有人講：「我來到遮，無感覺需要假仙。」有人講：「這个所在，敢若真正會聽人講話。」
Hosanna 教會 ê 改變，毋是突然光明，是慢慢有光：佇黑暗中毋閃避，毋急著證明，單單讓上帝 ê 光，一寸一寸照入。
親愛的兄弟姊妹，這些故事毋是欲 hō͘ 咱模仿，是邀請咱停一下來想：若是光已經佇遮，咱敢願意向光 ê 方向行一步？不是驚天動地，是日常生活中陪伴人、聆聽人、站穩咱的腳步。
今日禮拜後，咱也通佇團契時間繼續討論、分享、代禱。
六、結語
以賽亞講：坐佇黑暗中ê百姓，看見大光。
馬太講：耶穌佇加利利海、加百農開始，呼召人跟隨。
今仔日，光猶原照佇這个世間。
受光呼召，也許毋是偉大 ê 行動；受光呼召，是佇黑暗上深 ê 時刻，仍然選擇跟隨光；是受召來進入受苦的地方，讓光可以從咱身上被人看見。
對咱相信耶穌是基督的人來說，耶穌就是那道光；而這道光已經佇咱中間。盼望咱攏通回應、跟隨祂。
咱做伙來禱告。
七、結束禱告
慈悲又信實ê上帝，
今仔日咱安靜佇祢ê面前，將所聽著ê話、所感受到ê重量，慢慢交託佇祢手中。
主啊，祢知影這个世界猶原充滿黑暗——有暴力、有恐懼、有無辜ê生命受傷，有城市佇哀傷。
今仔日，咱特別為 Renee Nicole Good 祈禱：為著她ê生命、為著她ê家庭、為著她所屬ê Edgewater 長老教會，也為著因這个事件而心受傷ê眾教會。求祢親近哀傷ê人，陪伴驚惶ê教會，也保守咱ê心，毋讓恐懼變成最後ê話。
主啊，今仔日咱也記念普世基督徒合一禱告週。世界各地ê教會語言無仝、宗派無仝、文化無仝，卻攏是因為祢ê恩典受呼召成做一個身體。照祢ê話所講：同一個身體、同一個聖神、同一個盼望、同一個呼召。願祢ê教會佇分裂ê世界中成做另外一種見證——毋是靠權力，是靠愛。
主啊，咱也為著北美台灣人教會來到祢ê面前。祢知影咱ê歷史，也知影咱現此時ê疲倦 kah 不確定。咱為阮中間長久擺上的服事禱告，求主賜恩典與氣力。
主啊，幫助阮，因為阮需要祢，也需要彼此。求祢用祢ê光慢慢照入咱中間，照入阮的關係、照入阮的事工、照入阮的信仰裡面。
聽咱ê祈禱，是奉主耶穌基督ê名。阿們。
https://www.youtube.com/live/BNuiwSeYITk?si=ZWxPE2cQ8wTUhSnk&t=1036
[1] https://oikoumene.org/resources/week-of-prayer-for-christian-unity
[2] https://oikoumene.org/news/week-of-prayer-for-christian-unity-2026-invites-christians-to-one-hope-one-calling?utm_source=facebook&utm_medium=social&utm_term=united-church-of-christ&utm_content=a5f2bafc-67ba-4a2f-9ba8-4939e00fd93d&utm_campaign=social-media
[3] Renee
Nicole Good – PCUSA member
https://pcusa.org/news-storytelling/news/2026/1/12/statement-memory-renee-nicole-good
[4] https://www.edgewaterpcusa.org/home/presbyterians-learn-of-renee-nicole-goods-connections-work-within-denomination
[5] https://www.digitalhistory.uh.edu/disp_textbook.cfm?smtid=3&psid=3623
[6] https://www.facebook.com/photo?fbid=1212572977712521&set=pcb.1212573047712514
[7] https://hubs.ly/Q0409qWX0
[8] 【專題報導】世代斷層中的北美台灣人教會
(Jan 14, 2026)
https://tcnn.org.tw/archives/264014
[9] https://www.hosannapc.org/
Comments